By: dr.zahid sheikh
کچھ نہ کہیے نہ گر سزا کہیے
مجھ کو زنداں میں کیوں رہا کہیے
ہو مجسم نہ دے دعا کو اثر
پھر تجھے کیا بھلا خدا کہیے
میری اچھائی کی گواہی ہو
میرے منہ پر مجھے برا کہیے
دیر تک جو رقیب بیٹھا رہا
کیا سنا آپ نے ذرا کہیے
آ رزو ہو نہ زندگی کی کوئی
کیوں نہ پھر زہر کو دوا کہیے
مانا دشمن سے تو شکایت ہے
دوست ہو گر عدو تو کیا کہیے
عہد حاضر کا ہی نہیں نغمہ
مجھ کو ہر دور کی نوا کہیے
دل زباں پر سجائے پھرتا ہوں
کھوٹ رکھتا نہیں کھرا کہیے
تازگی میں مثال ہے زاہد
زخم ہے دیکھیے ہرا کہیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?