By: افضال فردوس
غم کا موسم بیت گیا سو رونا کیا
کل کے غم کو آج کے دن میں بونا کیا
ٹھیک ہے ہم اک دوسرے کے محبوب نہیں
لیکن میرے دوست تو اب بھی ہونا کیا
اور بہت سے کام پڑے ہیں کرنے کے
اشکوں کے ست رنگے ہار پرونا کیا
جس کو میری حالت کا احساس نہیں
اس کو دل کا حال سنا کر رونا کیا
بے شک ساری رات کٹی ہے آنکھوں میں
اب اجیارا پھیل گیا تو سونا کیا
تم نے ہنستے ہنستے ناطہ توڑ لیا
لیکن سچ سچ بتلاؤ خوش ہونا کیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?