By: Syed Iftikhar Ahmed Rashk
جس کو دیکھو ہے واہ کی خواہش
کاش سب کو ہو آہ کی خواہش
بے وفا سے نباہ کی خواہش
گویا حالِ تباہ کی خواہش
کیا تماشا کروں تماشے کا
کچھ نہیں بس ہے جاہ کی خواہش
سچ کی ایذا رسانیاں دارو
ختم کردے گناہ کی خواہش
رہنما راہزن ہیں ہم معنی
کیا ہو رہبر یا راہ کی خواہش
عالی ہمت کے واسطے گلزار
پست ہمت کو کاہ کی خواہش
ہر قدم منزلیں قدم چومیں
کتنی پیاری ہے چاہ کی خواہش
مقصدِ ہست ہے رضاٸے رب
الفتِ بے پناہ کی خواہش
رشک جو رب کا نور پارہﷺ ہیں
اُن ﷺ کی بس اک نگاہ کی خواہش
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?