By: Rana Tabassum Pasha(Daur)
خوابوں کو تعبیر ملے
بس جذبہء تعمیر ملے
دوائے دل اکسیر ملے
دعاؤں کو تاثیر ملے
تیرے نام کی لکیر ملے
میرےہاتھوں پہ تحریر ملے
کیسے کوئی بچ پائے گا
جب زلف گرہ گیر ملے
میرے حسن کا قیدی
عشق کا اسیر ملے
تجدید الفت کر ڈالی
کوئی نئی تعزیر ملے
تنکے ڈھونڈنے والوں کو
آنکھوں میں شہتیر ملے
کاغذ کے پھولوں سے
عنبر ملے یا عبیر ملے؟
یاد گلے کا ہار بنے
جب درد کی زنجیر ملے
رعنا نے دل تھام لیا
جگر میں اتنے تیر ملے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?