By: Azra Naz
دوست تو دوست ہیں دُشمن بھی جگہ پاتے ہیں
دِل بڑا ہو تو سبھی اُس میں سما جاتے ہیں
اصل سے اپنے کوئی دُور نہیں جا سکتا
پنچھی کتنا بھی اُڑیں لوٹ کے گھر آتے ہیں
وہ کبھی بھی مجھے پہچان نہیں پائیں گے
میرے احساس کی شدِت سے جو گھبراتے ہیں
ہم نوالہ تھے اقارب جو بھلے وقتوں میں
مِل بھی جاِئیں جو سرِ راہ تو کتراتے ہیں
واسطہ اُن کا نہیں ہوتا محبت سے کوئی
فلسفہ عِشق و محبت کا جو سمجھاتے ہیں
زندگی سے تو نہیں ہوتا تعلق اُن کا
ایسے کردار فلموں میں نظر آتے ہیں
اُن کو ہوتا نہیں احساس بھی اِس کا عذراؔ
باتوں باتوں میں مرا دِل جو دُکھا جاتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?