By: م الف ارشیؔ
میں ہوں شاداں بس اک مکاں لے کر
لوگ کیوں خوش نہیں جہاں لے کر
آیا ہے دھوپ سے بچانے مجھے
کانچ کا وہ بھی سائباں لے کر
میرے اندر ہی مر گیا ہے کیا
رو رہا تھا جو سسکیاں لے کر
دل تو پہلے ہی دے دیا تم کو
کیا کرو گے یہ میری جاں لے کر
زندگی اب تو بخش دے مجھ کو
کیا کرے گی اور امتحاں لے کر
ایک ہی وار میں مجھے مارو
تیر مارو مگر نشاں لے کر
اپنے نینوں سے مار ڈالو نا
آج جانا نہیں گماں لے کر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?