By: Aisha Baig Aashi
رنگ بدلا ہوا ہے چھاؤں کا
شہرِ دل سوز کی فضاؤں کا
جسم تیروں سے ہو گیا چھلنی
اور کیا ہو صلہ وفاؤں کا
صبر کرنا سکھا دیا مجھ کو
ہو بھلا جبر کے خداؤں کا
کسطرح کھیلتے ہیں موجوں سے
حوصلہ دیکھ ناخداؤں کا
دیکھ وہ آج رُو بہ پستی ہے
جو مسافر تھا ارتقاؤں کا
قرض اتاروں گی کسطرح عاشی
ستم اندیش دیوتاؤں کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?