By: Azra Naz
تِرے جذبوں کی شِدت میں کمی محسوُس ہوتی ہے
ہو تبدیلی کویٔ بھی لازمی محسوُس ہوتی ہے
مِری دھڑکن کے روزن سے صدا آتی ہے نوحوں کی
مجھے دُنیا ہی ساری ماتمی محسوُس ہوتی ہے
یہ دو آ نسوُ پھسل آۓ کہاں سے میرے گالوں پر
کہ اب ساری فضا ہی شبنمی محسوُس ہوتی ہے
بِچھی ہے ہر طرف سبزے کی جیسے مخملیں چادر
نگاہوں کو ہر اِک شے ریشمی محسوُس ہوتی ہے
چھواُ ہے روشنی کے ہاتھ نے جیسے بدن میرا
رگوں میں دوڑتی اب چاندنی محسوُس ہوتی ہے
کِسی محفل میں کویٔ جب تمہارا نام لیتا ہے
نجانے کیوں مجھے دھڑکن تھمی محسوُس ہوتی ہے
تِری بے اعتنایٔ نے مجھے یہ کیا بنا ڈالا
بدن میں برف سی اب تو جمی محسوس ہوتی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?