By: Suhail Ahmad
ہم اہل قلم ہیں اہل وفا
ہم موت سے ڈرنے والے نہیں
یہ عہد کیا ہے مٹی سے
امید کے پھول کھلائیں گے
تُم لاؤ لشکر لے آؤ
ہم پیچھے ہٹنے والے نہیں
مت لوٹو دیس خزانے کو
اور چھوڑو ظلم کمانے کو
ہم موج رواں ہیں دریا کی
ہم بڑھے تو رکنے والے نہیں
یہ دھرتی امن کی دھرتی ہے
ہر اہل وطن کو یاد رہے
ہم ایک خدا کو مانتے ہیں
ٹکڑوں میں بٹنے والے نہیں
ہم امن پجاری ہیں لیکن
یہ امن پسندی خوف نہیں
تُم ہم سے کرو گے جنگ اگر
ہم جنگ سے ڈرنے والے نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?