By: UA
کبھی دنیا، کبھی دل نے کیا مجبور بہت
کبھی میں اپنے ہاتھوں ہی رہی رنجور بہت
تیرا نشہ تو ایک پل میں ہوا ہو گیا تھا
اور یہ میں کہ عمر بھر رہی مخمور بہت
ایک ادنٰی تمنا کی سزا تاعمر جھیلی ہے
کہ جیسے ہو گیا سرزد بڑا قصور بہت
میری زندگی بن کر سانسوں میں رہتا ہے
اسی نے کر دیا ہے زندگی سے دور بہت
جو اپنے حلقہء احباب میں ہر دلعزیز تھی
اسے کہتے ہیں سب یہ ہو گئی مغرور بہت
وہ اپنے آپ سے بھی گفتگو اب کر نہیں پاتی
کیا رکھنا دل میں اس کے لئے فتور بہت
ناشکری عظمٰی کہہ کے مجھے یاد کرتے ہیں
میں جن کی ہر عنایت پہ رہی مشکور بہت
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?