By: Ahmed Nadeem Qasmi
ہوتا نہیں ذوقِ زندگی کم
بنیادِ حیات ہے تیرا غم
احساسِ جمال اُبھر رہا ہے
جب سے تیرا التفات ہے کم
تیرے ہی غموں نے مجھ کو بخشی
کوندے کی لپک، غزال کا رَم
سامانِ ثبات ہیں سفر میں
اُمید کے پیچ، راہ کے خم
زخموں میں چٹک رہی ہیں کلیاں
ہوتی ہے یونہی بساط برہم
شمعوں کی لَویں ہیں یا زبانیں
آنسوُ ہیں کہ احتجاجِ پیہم
انجم سے کھلائے گی شگوفے
شبنم سے لدی ہوُئی شبِ غم
طوفان کا متظر کھڑا ہے
یہ عین سحر کو شب کا عالم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?