By: ورد بزمی
محورِ عشق بھی دائرہ بھی تُوہی
ابتدا بھی تُوہی انتہا بھی تُوہی
دل سے دل کا سفر کر کے جانا یہی
منزلِ دل بھی تُو راستہ بھی تُوہی
میرے دل میں اترتی ہیں جو سیڑھیاں
اُن سے اُترا ، اُتر کے رُکا بھی تُوہی
نَے علاجِ دلِ من بجز قربِ تُو
درد بھی میرا میری دوا بھی تُوہی
دل کی بے چینیوں سے مری جان بس
اجنبی بھی تُوہی آشنا بھی تُوہی
جس کو اوڑھے ہوا ، جو ہے نازِ وفا
اوڑھنی بھی تُوہی وہ رِدا بھی تُوہی
مجھ کو جنت بھی وہ چاہیے جس میں ہو
حُور بھی صرف تُو ، اپسرا بھی تُوہی
گلشنِ وَرۡد سے گزرے صد ناز جو
وہ نسیمِ سحر وہ صبا بھی تُوہی
وَرۡدبزمی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?