By: سعید راہی
اک برہنہ بولتا اظہار ہے
میرا چہرہ صبح کا اخبار ہے
آگے پیچھے چل رہا ہے دم بہ دم
ایک میرا سایہ میرا یار ہے
پاؤں کے نیچے ہے شعلوں کی زمیں
اور سر پہ سوچ کی تلوار ہے
بے لباسی پیراہن پہ خندہ زن
بے حیائی ایک کاروبار ہے
کس طرف کو جائے راہیؔ آدمی
ہر قدم سرحد ہے یا دیوار ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?