By: Junaid Atari
آتشِ دل بُجھا نہ سکا
یہ بھی اُس کو بتا نہ سکا
یُوں اچانک اُسے دیکھ کر
ہاتھ تک بھی ہلا نہ سکا
وہ حجاب و حیا کا وجود
اک نظر بھی اٹھا نہ سکا
میں تو خُوں تھوکتا رہ گیا
وہ پلٹ کر بلا نہ سکا
اُس سے کیا ہوا عہد بھی
آج تک میں نبھا نہ سکا
کس قدر ناز تھا حسن پر
یہ بھی تُجھ کو بچا نہ سکا
اس زمانے میں کھویا مگر
دل کہیں بھی لگا نہ سکا
فاصلے بیچ کےجانِ جاں
چاہ کر بھی مٹا نہ سکا
اور جُدائی کا دن آج تک
بُھول کر بھی بُھلا نہ سکا
خواب دیکھا محل کا مگر
جھونپڑی تک بنا نہ سکا
کوششوں سے ابھی تک جُنید
اِک دیا بھی جلا نہ سکا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?