By: muhammad nawaz
رات کے پچھلے پہر نیند میں آنا سیکھو
دھیرے دھیرے سے حسیں خواب چرانا سیکھو
آئینو ایک دفعہ مجھ سے ملا لو آنکھیں
اور کچھ نہ سہی تو ٹوٹ ہی جانا سیکھو
منزلیں دیکھنا آئیں گی دبے پاؤں کبھی
سوچ میں آرزو کے دیپ جلانا سیکھو
پھول کھلتے ہیں ،پنپتے ہیں بکھر جاتے ہیں
آپ ایسا کرو کہ مجھکو بھلانا سیکھو
ٹوٹ جائے گا کسی روز ظلمتوں کا بھرم
وقت کی سیج کو کرنوں سے سجانا سیکھو
ایک دن آپ بھی پاؤ گے وسعتیں اس کی
حسن کو آپ بھی سانسوں میں بسانا سیکھو
کھل گئ تجھ پہ محبت کی حقیقت ساری
مسکراتے ہوئے اب دار پہ جانا سیکھو
دل بہانے ہی بہانے میں بہل جائے گا
درد کو آپ بھی الفاظ میں لانا سیکھو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?