By: عبدالحفیظ اثر
تیرا درد دل میں ہمیشہ رہےگا
تو راحت کا اپنے سبب یہ بنے گا
نبھائیں گےوعدہ تیرا ہم ہمیشہ
کبھی نہ قدم اس سے پیچھے ہٹے گا
یہی آرزو اب تو اپنی رہے گی
تیری یاد میں رات دن بس کٹے گا
کسی کا تصور نہ دل میں رہے گا
اسی پر تو اپنا یہ دل بھی جمے گا
کسی غیر سے نہ تو نسبت ہی ہوگی
سبھی غیر کا نقش دل سے مٹے گا
محبت کو آساں کبھی نہ ہی سمجھو
لٹا دیں جو سب کچھ مزہ تب ملے گا
تیرا نام لے کر ہی آگے بڑھیں گے
تیرے دم سے ہی تو زمانہ جھکے گا
گناہوں سے توبہ ضروری ہی سمجھو
کہ کب موت آئے پتہ نہ چلے گا
بڑے ہی تو فتنوں کاہے یہ زمانہ
مشائخ سے ہی ربط رکھنا پڑے گا
رہے گی نظر اثر کی بس تجھی پر
نہ تیرے سوا کوئی اس کو جچے گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?