By: مرزا عبدالعلیم بیگ
محبت کی فراوانی
طلبگاری کی خواہش
گرچہ اِک حقیقت ہے
مگر پھر بھی
جانے کب سے
نامکمل داستانوں کے انبار
لوگوں کا مقدر ہیں
وہ پیمان تم نے جو توڑ دیا
جس کے گواہ
ڈوبتے تارے تھے
اب تم کچھ بھی کہو
بجا ہے، درست ہے
ہم کج خیال و کج نگاہ
لیکن ہے طمانیت دل کو
جب سے یہ بھید کھلا
تم اسبابِ سزا نہیں، سزا ہو
سنو! آخری ملاقات رکھتے ہیں
لازم تم چلی آنا
ایجنڈا مختصر ہوگا
بس اتنی بات کرنی ہے
مفارقت کی گھڑی تعاقب میں تھی
آخر آن پہنچی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?