By: Sheikh Ghulam Hamdani Mushafi
اے مصحفی میں بیٹھا اب کیوں نہ خاک چھانوں
دل سا عقیق میں نے اس کی گلی میں کھویا
گر تو نہ ہو پیارے کیا کام یہاں ہمارا
آتے ہیں اس گلی میں ہر بار تیری خاطر
اے مصحفی تو ان سے محبت نہ کیجیو
ظالم غضب کی ہوتی ہیں یہ دلی والیاں
کوئے بتاں پہ میری چاروں طرف نظر ہے
شاید کوئی پری رو غرفے سے سر نکالے
تو در کو شوق سے رکھ بند پر نہ اتنا بھی
کہ آوے جو کوئی وہ ہو کے بدگمان پھر جائے
گر تیرے کوچے میں گالی بھی کسی نے ہم کو دی
ہم تیری خاطر سے اس کو بھی گوارا کر گئے
کرتی ہیں خون سینکڑوں عاشق کے مصحفی
جس وقت پان کھاتی ہیں یہ چونے والیاں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?