By: Dr.Muhammed Husainb Mushaid Razvi
نبیوں کے سلطاں ہیں آپ پیارے آقا صلِّ علیٰ
دینِ خدا کی جاں ہیں آپ پیارے آقا صلِّ علیٰ
آپ سا کوئی آیا نہیں ہے ،بلکہ رب نے بنایا نہیں ہے
خالقِ کل کی شاں ہیں آپ پیارے آقا صلِّ علیٰ
آپ سے الفت دین کی پہچاں ، آپ سے نفرت کفر کی پہچاں
جانِ جاں ایماں ہیں آپ پیارے آقا صلِّ علیٰ
گنبدِ خضرا نور کا مخزن ، مجھ کو دکھا دیں دل ہو روشن
میرا تو ارماں ہیں آپ پیارے آقا صلِّ علیٰ
نورِ یقیٖں کی بارش پیہم ، آپ کے دم سے جاری ہردم
رحمت کی پہچاں ہیں آپ پیارے آقا صلِّ علیٰ
قبضہ رب نے دیا ہے سب پر ، جنّ و انس و حور وملک پر
مالک ہیں سلطاں ہیں آپ پیارے آقا صلِّ علیٰ
روزِ محشر پیارے آقا ، اپنے مُشاہدؔ کو بھی بچانا
محبوبِ رحماں ہیں آپ پیارے آقا صلِّ علیٰ
٭
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?