By: Junaid Aashna
اہل دل اہل نظر سب چپ ہیں
بول سکتے ہیں مگر سب چپ ہیں
ایک طوفاں ہے سمندر میں مگر
ہیں صدف میں جو گہر سب چپ ہیں
جا چکے گاتے پرندے کب کے
دشت میں ہیں جو شجر سب چپ ہیں
کیسے آیا کوئی سیلاب بلا
شہر مین اہل خبر سب چپ ہیں
جانے کیا کہہ کے گئی ہے شبنم
پھول با دیدہء تر سب چپ ہیں
دور تک بھی نہیں منزل کا نشان
یوں سر رہگزر سب چپ ہیں
آشنا پوچھنے کی کوئی ضرورت ہی نہیں
ہے سبب کوئی اگر سب چپ ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?