By: وشمہ خان وشمہ
میرے سر پر ہے آسماں خاموش
شام ہجراں کی داستاں خاموش
جب سمندر کا ہے سماں خاموش
دل کی کشتی کا بادباں خاموش
یہ کرونا کا ڈر ہے یا کیا ہے
لوگ خاموش حکمراں خاموش
سب نے دیکھا ہے ڈوبتا سورج
سب کی آنکھوں میں ہے دھواں خاموش
اس کی آنکھوں میں شوخیاں لیکن
میرے ہونٹوں پہ ہے فغاں خاموش
اس کی تصویر تک رہی ہیں یہاں
دل کے کمرے کی کھڑکیاں خاموش
پیش خیمہ ہے ایک طوفاں کا
وشمہ میری ہے گر زباں خاموش
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?