By: وشمہ خان وشمہ
حصے کے آسمان سے آگے نہ بڑھ سکے
کچھ اپنی داستان سے آگے نہ بڑھ سکے
ہاں حاصلِ خلوص تھے کچھ لوگ اور ہم
خوابوں کے آستان سے آگے نہ بڑھ سکے
ملنے کو چاند آ گیا ہم کو زمین پر
ہم اپنے خاکدان سے آگے نہ بڑھ سکے
ممکن ہے شہرِ عشق میں زندہ ملیں کبھی
جو پیار کے نشان سے آگے نہ بڑھ سکے
کچھ لوگ ہیں جو غیر کی خوشبو کو ڈھنڈتے
اپنے ہی گلستان سے آگے نہ بڑھ سکے
محدود ہو کے رہ گئے الفاظ ِ زندگی
وشمہ مرے گمان سے آگے نہ بڑھ سکے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?