By: Azra Naz
گیتاں دے بنجارے رُس گئے
آن دے لا کے لارے رُس گئے
سانوں کجھ وی خبر نہ ہوئی
کیہڑی گل توں پیارے رُس گئے
ہوئیاں ہور ہنیریاں راتاں
چن رسیا تے تارے رس گئے
زور جنھاں دا چلدا نئیں سی
روئے فیر وچارے رُس گئے
رو رو کے ہن سک گیاں اکھیاں
جیویں اتھرو کھارے رُس گئے
توں کیہہ میتھوں رسیا سجناں
رنگاں بھرے نظارے رُس گئے
سینے وچ بھکھدے سن جیہہڑے
عشق دے اوہ انگارے رُس گئے
توں ناں اک وی من کے دتی
لا لا کے سب چارے رُس گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?