By: وشمہ خان وشمہ
اپنی دنیا سے کیوں خفا ہوتی
تیرے در کی اگر گدا ہوتی
غم نہ ملتے جو تیری ہجرت کے
اپنے آنگن کی میں ہوا ہوتی
بیٹھی رہتی تمارے گلشن میں
میں بھی بلبل کی گر صدا ہوتی
مجھکو میری وفا نے کچھ نہ دیا
اچھا ہوتا جو بے وفا ہوتی
تو جو مل جاتا پیار کی صورت
کیوں مقدر سے میں خفا ہوتی
میں بھی تجھ کو ہی مانگتی رب سے
تیرے ہاتھوں کی میں دعا ہوتی
دل تقاضے نہ کر رہا ہوتا
روح تن سے اگر جدا ہوتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?