By: dr.zahid sheikh
پی لیے سب اشک جب بہنے لگے
ضبط غم کے بحر میں رہنے لگے
بے بسی اس کے سوا ہے کیا بھلا
خامشی سے ہر ستم سہنے لگے
ہوش میں کچھ بھی کہا جاتا نہیں
بے خودی میں مدعا کہنے لگے
آشنا دنیا سے کچھ ایسے ہوئے
خود سے بھی ہم اجنبی رہنے لگے
دیجیے ہم ہیں سزا کے منتظر
جھوٹ کی دنیا میں سچ کہنے لگے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?