By: Azra Naz
کھلنے لگا ہے آپ ہی اپنا جنوں مجھے
لے لے نہ پھر لپیٹ میں تیرا فسوں مجھے
خودداریوں کے بل پہ گذاری ہے زندگی
میری ضرور تو نہ کرو سرنگوں مجھے
جی چاہتا ہے اپنے بھی بارے میں سوچ لوں
مل جاۓ زندگی میں جو تھوڑا سکوں مجھے
کچھ اُن کی نفرتوں میں چھپی چاہتیں بھی تھیں
اب کھولنا ہے سب پہ یہ رازِ دروُں مجھے
موندوں نہ ایک پل کو بھی آنکھیں یہ جی کرے
کرنے لگے ہیں خواب بہت بے سکوں مجھے
اپنا کسی کو کہنے سے ڈرنے لگا ہے دل
لے آیا کس مقام پہ اپنا ہی خوں مجھے
کہہ کر گیا تھا جو کہ کبھی لوٹ آئے گا
ہے اس کا انتظار یہ کیسے کہوں ، مجھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?