By: Dr.Muhammed Husain Mushahid Razvi
جہاں سرکار کے اَذکار ہوں گے
وہیں انوار کے آثار ہوں گے
اگر بن جائیں پیکر سُنّتوں کے
تو پھر سے ہم یہاں سردار ہوں گے
اگر یوں تارکِ قرآں رہے تو
مسلسل ہم ذلیل و خوار ہوں گے
کبھی تو سیرِ طیبہ ہوگی اپنی
کبھی تو آپ کے دیدار ہوں گے
میں نازاں اپنی قسمت پہ رہوں گا
تصوّر میں مرے سرکار ہوں گے
شبِِ تُربت کی ظلمت دور ہوگی
نبی کے قبر میں انوار ہوں گے
بروزِ حشر نعتِ مصطفیٰ سے
ترے بیڑے مُشاہدؔ پار ہوں گے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?