By: طاہِرؔ گُل
خَلقتِ شہر عجب خواب میں کھوئی ہُوئی ہے
جاگتے میں بھی یہ لگتا ہے کہ سوئی ہُوئی ہے
اب جو یہ خار بدن چَھید رہا ہے میرا
فصل یہ بھی مِرے اَجداد کی بوئی ہُوئی ہے
مَیں تِری یاد سے غافِل رہُوں ' کب ممکِن ہے
اک سُوئی تُو نے مِرے دل میں چُبھوئی ہُوئی ہے
یہ تِری چشم سلامت رہے ' اَے میرے غزال
تار ِ اَبرُو میں مِری جان پِروئی ہُوئی ہے
لب تِرا دیکھ ' مجھے مِیرؔ کی یاد آتی ہے
پَنکھڑی جیسے مَے ء ناب سے دھوئی ہُوئی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?