By: وشمہ خان وشمہ
نہ پوچھ دیکھ کے کتنا ملال ہوتا ہے
کہ درد و غم پہ چہرہ ہی لال ہوتا ہے
تمہارے ضبط کو کیوں اور آزماؤں گی
تمہارے صبر کا ہمدم خیال ہوتا ہے
مری حیات میں اے رنگ بھرنے والے سن
مدام تجھ کو وفا کا سوال ہوتا ہے
ہمیں یہ ضد ہے کہ تجھ سے کبھی نہ مانگیں گے
تمہارے وصل کا منظر زوال ہوتا ہے
نہ جانے تیری کیسی وفا آشنائی ہے
یہ ہم پہ جو سدا ایسا زوال ہوتا ہے
پڑھا کرو اسے دل کی نگاہ سے ہر بار
تمہارے نام ہی اپنا کمال ہوتا ہے
مرے حواس پہ چھایا ہے کتنا سناٹا
نکلنا گھر سے اب اپنا محال ہوتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?