By: rafiq sandeelvi
روشنی خوگرِزنجیر نہیں ہو سکتی
فاختہ ظلم کی تصویر نہیں ہو سکتی
جس کی اینٹوں میں تعصّب کا لہو شامل ہو
وہ عمارت کبھی تعمیر نہیں ہو سکتی
جب تلک کرب کے زندان سے آزاد نہ ہوں
ماوءں کے دودھ میں تاثیر نہیں ہو سکتی
چند مٹّی کے کھلونے ہوں ،یہ ہو سکتا ہے
دستِ اطفال میں شمشیر نہیں ہو سکتی
بام و در شہر کے جلتے ہوں ،لہو بہتا ہو
یہ مرے خواب کی تعبیر نہیں ہو سکتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?