By: Sobiya Anmol
بات نہ کرو ہم سے آشنائی کی
آشنائی نے ہی تو رُسوائی کی
حد کردی میں نے مجبوری میں
کس قدر تو بے حیائی کی
جان بُوجھ کر اُسے درد دیا
کیا کیا کہہ کر لڑائی کی
کہا محبت نہ تھی تمہیں کبھی
تم نے محبت میں خود نُمائی کی
سادگی سے کیسے بتاتے اُسے
کہ گھڑی آ گئی ہے جُدائی کی
بیاں کیونکر ہوتا زُباں سے
کہ عادت ڈال لو شکیبائی کی
تصورات بد گماں ہونے والے ہیں
عمر بیت گئی ہے رعنائی کی
اب کیسے سجا کرے گا وہ
اُسے تو بڑی لگن تھی زیبائی کی
نہ چمن مہکے گا اب کبھی بھی
یہ ساری بات ہے تنہائی کی
میدانِ انصاف میں ہار آیا ہوں
نہ کہی سُنی گئی شیدائی کی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?