By: وشمہ خان وشمہ
جانے کیا وقت کا ارادہ ہے
چپ کا اوڑھے ہوئے لبادہ ہے
وقت نے جو ستم کیا مجھ پر
میری سوچوں سے بھی زیادہ ہے
اس کو کب کی میں بھول بیٹھی ہوں
جس نے باندھا ابھی ارادہ ہے
چل رہا ہے وہ ایسے رستے پر
جس کی منزل نہ کوئی جادہ ہے
جس گلی میں وہ شوخ رہتا ہے
اس کا آنگن ابھی کشادہ ہے
جسم کاٹا ہے کیسے یادوں نے
دل کا بکھڑا ہوا برادہ ہے
لوٹ آئے گا ایک دن وشمہ
لوٹ آنے کا جس کا وعدہ ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?