By: dr.zahid sheikh
نہ طوفانوں سے گھبراؤں گا نہ مانگوں گا سا حل کو
چلا ہوں دور تیرے شہرسے انجان منزل کو
کسی لمحے جو تیری یاد نے مجبور کر ڈالا
تو شاید لوٹ کے آنا پڑے گا تیری محفل کو
مری چپ سے نہ سمجھو غم نہیں اس کی جفاؤں کا
گلہ کرنا نہیں آتا مرے ٹوٹے ہوئے دل کو
ہر اک کاوش رہی بیکار ناکامی ہی حاصل تھی
اگرچہ پار کر بیٹھا تھا میں سارے مراحل کو
تمھاری بات نہ سمجھا ہے کوئ طرز یہ چھوڑو
سمجھ آتی نہیں منطق سے ضدی اور جاہل کو
نہیں ملتا مجھے انصاف جب زاہد زمانے سے
تو ایسے میں بہت ہی یاد کرتا ہوں میں عادل“ کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?