By: Dr.Muhammed Husain Mushahid Razvi
مرے قلم کا تو دیکھیں چمک اُٹھا ہے نصیب
جو نعت لکھنے کا فن اُس کو ہوگیا ہے نصیب
مَیں اُس کی پیاری نگاہوں کو چوم لوں بڑھ کر
جسے زیارتِ در کا شَرَف ہُوا ہے نصیب
جسے جگہ ملے طیبا میں دفن ہونے کی
ہر ایک انساں سے بڑھ کر اُسے مِلا ہے نصیب
درِ رسول پہ جانے کی آس ہو پوری
چمک اُٹھے مرے مولا! بجھا بجھا ہے نصیب
اے کاش! خواب میں آقا کبھی یہ فرمادیں
مرے غلاموں میں تیرا بھی ہوگیا ہے نصیب
وہ جس کے دل میں محبت نہ ہو شہِ دیں کی
یقین جانو کہ اُس کا بڑا بُرا ہے نصیب
نہ کیوں ہو نازاں مُشاہدؔ نصیب پر اپنے
کہ اُن کی مدحتیں لکھنا مرا بنا ہے نصیب
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?