By: Dr.Muhammed Husain Mushahid Razvi
نَفَس نَفَس شہ کونین کا خیال رہے
نظر نظر میں بسا طیبہ کا جمال رہے
قدم قدم پہ مسرّت کی موج چھا جائے
تمہارے ذکر سے بے چین دل نہال رہے
نظر میں گنبد خضرا تو لب پہ ذکر و دُرود
اے کاش ! وقتِ نزع میرا ایسا حال رہے
مدینے آوں میں آقا وہیں پہ مرجاوں
ہو میری لاش مدینے کی وہ سُفال رہے
پَے بلال فزوں تر ہو آپ کی چاہت
رواں دواں شہا الفت سوئے کمال رہے
لحد میں بارگہِ شہ میں نذر کرنے کو
سجی دُرودوں کی ہاتھوں میں میرے تھال رہے
حضور! بڑھتا رہے دل میں نخلِ عشق مرے
بہار بداماں یہ الفت کی ڈال ڈال رہے
حضور! اپنی محبت میں یوں فنا کردیں
سواے آپ کے نا دوسرا خیال رہے
گنہ ، خطا مرا شیوہ ہے روز و شب لیکن
قسیٖمِ نعمتِ رب مائل نوال رہے
بنادیں مجھ کو بھی اچھا ، ہو صدقہ اچھے کا
حضور ! آپ کا بندہ یہ خوش خصال رہے
کہاں مُشاہدِؔ خستہ ، کہاں ہے نعتِ رسول
قلم ہے میرا مگر سب رضا کا مال رہے
٭
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?