By: ندیم احمد
مری نظر کو در و بام پر لگایا ہوا ہے
چلو کسی نے مجھے کام پر لگایا ہوا ہے
وہ اور ہوں گے جو صحرا میں پا بہ جولاں ہیں
مجھے تو شہر نے احکام پر لگایا ہوا ہے
اگر وہ آیا تو اس بار صبح مانوں گا
بہت دنوں سے مجھے شام پر لگایا ہوا ہے
کبھی تو لگتا ہے یہ عذر لنگ ہے ورنہ
مجھے تو کفر نے اسلام پر لگایا ہوا ہے
وہ اور لوگ ہیں جو اس کے پاس بیٹھے ہیں
ہمیں تو اس نے کسی کام پر لگایا ہوا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?