By: Khalid ROOMI
زیست اپنی جہاں میں فسانہ ہوئی
دوستوں کے ستم کا نشانہ ہوئی
جو تھی حاصل کبھی، وہ مسرت، مجھے
کر کے غم کے حوالے روانہ ہوئی
قیس کا ہم نفس وہ نہیں ہے جسے
دشت میں۔ خواہش آشیانہ ہوئی
کون آداب الفت سے ہے با خبر
عاشقی اب تو رسم زمانہ ہوئی
بربط دل مرا کیجئے گا قبول
آپکو جب غزل گنگنانا ہوئی
نطق میرا بنا درد کا ترجماں
شاعری میری رومی ! یگانہ ہوئی
کیسا میخانہ اور کیا مری میکشی
غم مٹانے کا رومی ! بہانہ ہوئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?