By: Ishraq Jamal Ashar Chishti
بولے جبرئیل کے عالم کا تو مالک آقا
سب رعیت میں تیری سب کا تو داتا آقا
آپ کے نور سے روشن ہوئی دنیا ساری
ورنہ مغلوب تھا ظلمت سے اجالا آقا
میں تو دلدل میں گناہوں کی تھا سرتاپاء دھنسا
رحم نے آپ کے مجھ کو ہے نکالا آقا
میں تو گرجاتا جہنم کے گڑھے میں لیکن
آپ نے بڑھ کے دیا مجھ کو سنبھالا آقا
آپ کا ذکر ہی ہر دم ہے زباں پر جاری
آپ کے نام کی جپتا ہوں میں مالا آقا
کاش مجھ کو بھی مدینے سے بلاوا آتا
سر کے بل چل کے میں دوڑا ہوا آتا آقا
یہ اشہر اور غلامی کا یہ دعوٰی عظیم
لاج رکھ لیجیئے گا ورنہ ہے یہ کھوٹا آقا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?