By: وشمہ خان وشمہ
قسمت میں لکھ دیا ہے جو دل کی صدا بھی ہو
میرے وہ قول و فعل سے کچھ آشنا بھی ہو
نظروں کے آئینے میں کوئی دلربا بھی ہو
اتنے ہجوم میں کوئی چہرہ نیا بھی ہو
ان آندھیوں نے شور مچایا تو ہے بہت
بہتر ہے ان کے غول میں تازہ ہوا بھی ہو
ان غم زدوں کے واسطے دنیا نئی بسے
اس کرب و ہجر و درد کی اب انتہا بھی ہو
وہ لے گیا یقین کی حد تک مجھے مگر
اس عشق کے مقام پہ وہ چاہتا بھی ہو
بچھڑے ہوئے یوں پیار کی صدیاں گزر گئیں
دل کی گلی میں واپسی کا راستہ بھی ہو
سرد و گرم نظام میں رہ کر میں کیا کروں
منظر کوئی تو گھر میں مرے دلکشا بھی ہو
وشمہ تمہارا عشق یہ شعر و سخن تو ہے
اس شاعری میں زندگی کا در کھلا بھی ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?