By: Azra Naz
نفس کے جو اسیر ہوتے ہیں
کس قدر بے ضمیر ہوتے ہیں
تاجِ شاہی نہ لایںٔ خاطر میں
جو بظاہر فقیر ہوتے ہیں
آسماں پر اُڑان ہوتی ہے
آپ جب ہم سفیر ہوتے ہیں
ہوش جو پل میں چھین لیتے ہیں
کسِ قدر دِل پزیر ہوتے ہیں
دوسروں کو حقیر جو سمجھیں
اصل میں خود حقیر ہوتے ہیں
کیا کریں گے زبان وا عذراؔ
جو انا کے اسیر ہوتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?