By: Muhammad Mumtaz Rashid
نہ کھونا اجر کی برکات راشد
کرو نیکی تو پھر چرچہ نہ کرنا
جوانمردی پہ آنچ آئے نہ راشد
مصائب میں کبھی گریہ نہ کرنا
اگر لکھنا تو لکھنا حرف روشن
یونہی کاغذ کو تم کالا نہ کرنا
رویے میں لچک رکھنا مگر تم
کبھی مقصد پہ سمجھوتا نہ کرنا
ملے منصب تمہیں گر منصفی کا
تو پھر انصاف کا جھٹکا نہ کرنا
دلیری کا یہ بنیادی سبق ہے
کسی کمزور پہ حملہ نہ کرنا
اگر دستار کی عظمت ہے پیارے
تو اپنے قد سے سر اونچا نہ کرنا
حقیقت پر نہ ہو بنیاد جس کی
کبھی ایسا کوئی دعویٰ نہ کرنا
سخاوت کر کے جتلانا کسی کو
یہ کم ظرفی ہے تم ایسا نہ کرنا
مرادوں کی سحر آکر رہے گی
کڑی راتیں ہیں دل چھوٹا نہ کرنا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?