By: وشمہ خان وشمہ
مرا بچپن مری سوچوں کےآنگن میں مچلتا ہے
مری آنکھوں سے جب آنسو مرے گالوں پہ گرتا ہے
میں دیوارِ محبت پر اگر تحریر کچھ کر دوں
مرا دل اس گھڑی بے نام آتش میں سلگتا ہے
میں جب احساس کے جنگل میں رستہ بھول جاتی ہوں
تو بھر احساس دلدل کی طرح مجھ کو نکلتا ہے
یہ دستور زماں کیسے مجھے اب روک پائے گا
مری سوچوں سے جو لاوا سا ہر لحمہ نکلتا ہے
مقدر کیا لکھے گا کاتب تقدیر اب وشمہ
وہ کر کے فیصلہ خود فیصلے کو جو بدلتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?