By: wasim ahmad moghal
راہ میں حائل تقدیریں ہیں
راہ میں حائلْ۔۔۔۔۔ تقدیریں ہیں
یا میری اپنی ۔۔۔۔۔۔تدبیریں ہیں
ہجر کی کالی لمبی۔۔۔۔۔۔۔ راتیں
وصل کے خواب کی تعبیریں ہیں
دل بھی شیش محل ہے۔ پیارے
اِس میں تیری ۔۔۔تصویریں ہیں
فرحتِ دل بھی راحتِ جاں بھی
حُسن کی کیا کیا۔۔۔۔ تفسیریں ہیں
پاسِ ادب بھی پاسِ وفا۔۔۔ بھی
عشق پہ کیسی۔۔۔۔ زنجیریں ہیں
شورشِ دل بھی ضبطِ فغاں۔ بھی
عشق کے حق میں تعزیریں ہیں
تم بھی کسی سے پیار نہ ۔۔۔کرنا
پیار کی اُلٹی۔۔۔۔۔ تأثیریں ہیں
اب میرا سرمایہءِ جاں۔۔۔۔ تو
تیرے ہاتھ کی ۔۔تحریریں ہیں
تم کو دیکھا تم کو۔۔۔۔۔۔۔ چاہا
یہ سب میری ۔۔تقصیریں ہیں
کچھ کر کے دِکھاؤ شیخ جی ۔ورنہ
بے معنی یہ تقریریں۔۔۔ہیں
پھر سے چلے ہو اُس کی گلی میں
کیا مرنے کی ۔۔۔تدبیریں ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?