By: Dr.Muhammed Husain Mushahid Razvi
ہو فضلِ رب سے حاصل یہ سعادت یارسول اللہ
کہ دل میں آپ ہی کی ہو محبت یارسول اللہ
جگر شق ہے قمر کا صرف انگشتِ مبارک سے
عیاں ہے آپ کی نسبت و قدرت یارسول اللہ
یقیں ہے آپ ہم عصیاں شعاروں کو بچائیں گے
ہے زیبا آپ کو تاجِ شفاعت یارسول اللہ
دُوردِ پاک ہو وِردِ زباں میرے ہر اک لمحہ
بُرے کو ہو عطا یہ اچھی عادت یارسول اللہ
مٹے ظلمت مرے دل کی محبت کے اجالے ہوں
مرے کانِ مرّوت ، جانِ اُلفت یارسول اللہ
مدینہ راحتِ جان و سرورِ قلب و سینہ ہے
عطا ہو حاضری کی اب اجازت یارسول اللہ
کسی شب خواب میں آقا کرم فرمائیے ، مجھ کو
عطا ہو روئے انور کی زیارت یارسول اللہ
رضا و مفتیِ اعظم کی سنت پر رہوں قائم
بنوں خدمت گذارِ اہلِ سنت یارسول اللہ
رضاؔ سے عشق مل جاے حَسنؔ سے حُسنِ گویائی
مُشاہدؔ سیکھ لے آدابِ مدحت یارسول اللہ
٭
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?