By: Anwar Kazimi
ہر ایک بات پہ تم خوش رہو تو اچھا لگے
تم اسکے ظلم بھی ہنس کر سہو تو اچھا لگے
چلے ہو سیرِ چمن کو مثالِ نکہتِ گلُ
ہو ا کا ہاتھ بھی گر تھام لو تو اچھا لگے
نظر بچا کے مرِی سمت چور آ نکھوں سے
تم اب بھی پیار سے دیکھا کرو تو اچھا لگے
یہ آرزو ہے کہ اِک بار اجنبی بن کر
ہمارے شہر میں کچھ دن رہو تو اچھا لگے
غلط سی بات ہو میری ، مگر مرِی خاطر
ہر ایک بات پہ " اچھا" کہو تو اچھا لگے
زبانِ خلق جو کہتی ہے غائبانہ تمہیں
وہ بات تم بھی اگر مان لو تو اچھا لگے
سبھی کی متفقہ رائے ہے کہ انور میاں
جو تھوڑی دیر کو تم چپ رہو تو اچھا لگے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?