By: ورد بزمی
یاد سے، شہرِ فراموش میں آبیٹھا ہُوں
آخرش خانہ ء غم نوش میں آبیٹھا ہُوں
میں کہاں اور کہاں کوئی خوشی کا لمحہ
اس لیے درد کی آغوش میں آبیٹھا ہُوں
محفلِ صوت و صدا راس کبھی آئی نہیں
دیکھ! پھر حجلہ ء خاموش میں آبیٹھا ہُوں
ہوش مندوں سے کہو ہوش مبارک ہو انہیں
میں تو اب وادی ء بے ہوش میں آبیٹھا ہُوں
خواہشِ ذات کی کسطرح سنوں آہ و بُکا
مرقدِ حسرتِ بے گوش میں آبیٹھا ہُوں
خوشبوؤں کا کوئی جھونکا نہیں آتا اب تو
پرتوِ وَرۡدِ خزاں پوش میں آبیٹھا ہُوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?