By: وشمہ خان وشمہ
اپنی آنکھوں میں مرے درد کو آباد کرے
اس سے کہہ دو کہ مجھے میری طرح یاد کرے
کتنا بے درد ہے سانسوں میں مقید کر کے
مجھ پہ اب ظلمِ محبت مرا صیاد کرے
روز کرتا ہے مجھے پیار و محبت لیکن
روز اک رسمِ عداوت بھی وہ ایجاد کرے
جس نے رکھا ہے سدا ہجر کا جنگل من میں
شہر ہیجان میں کیا آکے وہ ارشاد کرے
پر مرے کاٹ کے رکھا ہے ہمیشہ جس نے
اب مجھے اپنی نگاہوں سے نہ آزاد کرے
کیسے سمجھاؤں کہ اب آنکھ نہ مارے مجھ کو
مجھ کو پہلے سے اشارے بھی نہ ہمزاد کرے
جس نے سکھ چین ہے لوٹا مرا اپنا بن کر
وشمہ اس شخص سے کہہ دو کہ مجھے شاد کرے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?