By: dr.zahid sheikh
نہ جستجو ہو کوئی اور نہ شوق کوئی رہے
مدام روح کو پھر کیوں نہ بے کلی سی رہے
ہیں سیم و زر بھی ضروری آسودگی کے لیے
مزہ ہے زیست کا گر علم و آگہی بھی رہے
ہے عقل کام کی شے اس سے کر بھلا سب کا
حریص ہو تو یہ بہتر ہے بے خودی ہی رہے
سحر مسائل دنیا سے دے نہ دے فرصت
خیال یار کی لو تیرگی میں جلتی رہے
خبر ملے نہ کسی بھی آشفتہ خاطر کی
یہ زیست کاش فقط تیرے غم میں کھوئی رہے
وہ فاصلوں کو مٹانے کی بات کرتا ہے
قریب آنے سے کیا گر دلوں میں دوری رہے
گلے لگا کے بچھڑ جاؤ گے سدا کے لیے
تو کیوں نہ رسم کوئی مجھ سے دشمنی کی رہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?