By: رشید حسرتؔ
سلامت چاہتے ہو دِل تو اِتنی بات مانو گے
تُمہیں لینا پڑے جو فیصلہ وہ زہن سے لو گے
پتا کیا وقت کیسا کھیل کھیلے، ہم بِچھڑ جائیں
کہاں ہوں گے نجانے ہم، نجانے تُم کہاں ہو گے
محبّت کام کیا آتی، ہمارا حال تو دیکھو
اِسی کا معجزہ کہہ لو ہُوئے ہم ہیں مرن جوگے
لُٹا دُوں تم پہ اپنی ساری خُوشیاں زِندگانی بھی
چلو یہ طے ہُؤا، اِتنا کہو بدلے میں کیا دو گے
کِسی اُلجھی ہُوئی رُت کا کوئی بھٹکا ہُؤا سایہ
پڑا جو راہ میں تو چین اپنا تُم گنواؤ گے
چلو تسلِیم کرتے ہیں لگاؤ گے شِکایت بھی
مگر اِتنا کہُوں (اِلزام کیا رکھنا ہے؟) سوچو گے
سُنا ہے کُچھ دِنوں تک پیار کی راحت میسّر ہے
پِھر اُس کے بعد حسرتؔ جی فقط راتوں میں جاگو گے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?