By: Anwar Kazimi
اگرچہ اُس نے کبھی دشمنی نہیں کی ہے
ستمگری میں بھی کو ئی کمی نہیں کی ہے
مرِی وفا کا صلہ کیوں جفا سے دیتے ہو
کیا ہے پیار ، کوئی نوکری نہیں کی ہے
جنہیں ہے اسقدر افسوس میرے لٹنے کا
انہی سے پوچھیئے کب رہز نی نہیں کی ہے
کب ہم نے پیار میں سر پر اُسے بٹھایا نہیں
کب اُسنے عشق میں دادا گری نہیں کی ہے
وہ دل دُکھا ہے کہ اِن پچھلی آ ندھیوں کے بعد
بجھا چراغ تو پھر روشنی نہیں کی ہے
ترے فراق میں زندہ تو ہوں مگر اے دوست
بسر سکون سے یہ زندگی نہیں کی ہے
نصیبِ دشمناں سرکار خیر یت تو ہے
بڑے دنوں سے کوئی شاعری نہیں کی ہے
یہ واقعہ ہے کہ خود اپنی ذات سے انور
ملا ضرور ہوں پر دوستی نہیں کی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?